د.عبدالله النسور يغيّر مايكروسوفت !
















الساعة 2 و ربع نص الليل  و صحيت من النوم  الساعة 11، وما  عرفت ارجع أنام، صليت  العشا  و قررت التغير:

قد يبدو العنوان دعائي شوي بس من وقت ما لاحظته  و هوو في بالي، و مش راضي يروح  عن بالي.. ما لاحظته بسرعة بحكم معيشتي الحالية بدول الخليج..

بدون طول حكي و ما بعرف اذا حد لاحظ بس مايكروسوفت سوّت تايم زون خاصّة بالأردن-عمّان و اعطونا +3 فرق عن توقيت غرينيتش و بدون “Daylight saving”

للي ما بعرف ال Daylight saving هو نفس التوقيت الصيفي، وللعلم هو الحالة الاستثنائية وليس القاعدة، القاعدة (بلا آفية) هي التوقيت الشتوي..

مثال الصورة اللي تحت توقيت القدس، وبين عمان والقدس حوالي 100 كيلو وللعلم هو نفس توقيت القاهرة ودمشق وبيروت واستنطبول.. +2 GMT







 وحتى لمّا قررت مايكروسوفت تعملنا تايم زون بال 2007، كان  + 2 GMT ، زينا ..زي ولاد عمنا ! اللي طول عمرنا توقيتنا بالويندوز XP زيهم (Jerusalem +2 GMT).. اما بالنسبة للا  KB933360 patch   اللي نضاف فيها توقيت عمان:

 




 وصارت المنيو:




وسلكت الايام..

بس  مع خوازيق الشرق الاوسط المتلاحقة، وارتفاع سعر برميل البترول بشكل جنوني ما يعلم باسبابه إلا ربّنا (واحتفظ بآرائي السياسية عشان ما ابات في بيت خالتي) وخصخصة بعض القطاعات في بلدنا العزيز :

بكفي هيك ! لازم نبلّش نوفر كهربا !

ففي ليلة وضاحها ..قررت الحكومة الاردنية متمثلة بالدكتور عبدالله النسور حفظه الله، انّو نخلّي التوقيت صيفي.. طول السنة !

انا مش عارف كيف وفرنا كهربا هيك ؟ احنا منوفر بالتوقيت الصيفي فعلاً .. بس بالصيف ! لإنو الشمس ببتطلع بدري، فبنستغل وجودها بتوفير الاضاءة.. على اساس يعني.. بس اذا بتفكّر فيها مزبوط.. هيه هيّة .. لبنية.. اذا مش اسوأ كمان..

نبذة عن التوقيت الصيفي:

فكرة التوقيت الصيفي اجت من الناس اللي بتفهم اكيد.. من اميرشّا يا خالتي، الحج بنجامين فرانكلين، بال 1700 نيات ، وعشان يوفر شمع!

تم تطبيقها ايضاً بالحرب العالمية الاولى، لتوجيه الطاقات لجبهات القتال.. هادا مُخ مو بتّيخة!

وفي 1970 لما كان في عنا (احم) وهي اول واخر مرة حكينا فيها (لأ)، في مؤتمر القمة العربي بالخرطوم، مؤتمر اللاءات الثلاث، صار في ازمة بترول في العالم واروبا ولندن (بترقيق الدال) قرقدت طيازهم من البرد، ووارد امريكا من البترول قل، اضطروا يستخدموا التوقيت الصيفي و فعلا قللو استهلاك الكهربا.. بنسبة 1 % فقط!

كل ما سلف من حقائق منقول من مقالة من موقع علمي امريكي :

http://www.scientificamerican.com/article.cfm?id=does-daylight-saving-times-save-energy

بنفس المقالة ، اكتشفوا انو بالسنوات الاخيرة، التوقيت الصيفي بصرف كهربا اكتر.. اقتباس بالانجليزي احسن..

In 2006 Indiana instituted daylight saving statewide for the first time. (Before then, daylight time confusingly was in effect in just a handful of Indiana’s counties.) Examining electricity usage and billing since the statewide change, Kotchen and his colleague Laura Grant unexpectedly found that daylight time led to a 1 percent overall rise in residential electricity use, costing the state an extra $9 million. Although daylight time reduces demand for household lighting, the researchers suggest that it increased demand for cooling on summer evenings and heating in early spring and late fall mornings. They hope to publish their conclusions this year in the Quarterly Journal of Economics.

الله اعلم كيف الشباب عنا (واعني وزارة الكهربا  وشركة الكهربا) بتحسبها .. هاد اذا بتحسبها اصلاُ.. بحطّش بزمتي.

صار اللي صار، ومايكروسوفت عدلت التوقيت عنّا لـ+3 GMT  ولغت اوبشن التوقيت الصيفي لانه دايما مفعّل ! بعد تنزيل باتش KB2779562

 




طبعا هاد الحكي بعد ما شكينا وبكينا لبيل جيتس :

 

 

 

 




 

اللي صار صار، وصارت حادثة الباص، الله يرحم اموات المسلمين..

نفسي اعرف كم وفرنا كهربا بالحقائق والادلة، سواء بالتوقيت الصيفي، وببتطفاية ضواو الشوارع..
وهلأ تيتي تيتي، زي مارحتي زي ما جيتي.. وقطّبها يا بيل جيتس الله يعينك على باتش تالت.. الحزين شد شعرو منّا..

ونفسي اعرف.. واز إت وورث إت ؟


عندي كتير احكيه، انشاء الله البوست الجاي، حكتب اكم من نقطة كيف حكومتنا الرشيدة ممكن “ترشّد” استهلاك الطاقة وكيفية تقليل كلفتها بدل جميلة فلان او علنتان، ونصيحة تقنية من العبد الفقير لله من مجال عملي وخبرتي المتواضعة

لا ازايد على اصحاب الاختراعات، بس ممكن صوتكم مش واصل الدكتور النسور..

 على اساس رسالتي اللي راح توصل..

Posted on January 15, 2014, in Computers, Countries & Locations, Geekz, Jordan, Politichal and tagged , , , , , , , , , , , , , , , , , , , , , , , , , , . Bookmark the permalink. Leave a comment.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: